Cram Schools Test Prep Nigerian schools resumption: As Waec dey begin 17 August see how Nigerian states dey prepare to reopen schools dis week – BBC News

Nigerian schools resumption: As Waec dey begin 17 August see how Nigerian states dey prepare to reopen schools dis week – BBC News



Officials of di State Ministry of Environment and Water Resources dey fumigate Public Schools

Students wey dey prepare to write final exams plus those wey dey exit class go resume school dis week as federal goment don give green light for schools to reopen afta dem close am for March 2020 sake of Covid-19.

Different states for di federation don begin put measures in place to make sure say schools dey safe for students to resume and dey get conditions wey dem don outline for students particularly students wey wan write di West Africa Examination Council.

DELTA STATE

29,525 SS3 students for Delta State dey resume school dis morning to begin prepare for dia WAEC exam wey go begin later dis month.

Delta State Commissioner for Basic and Secondary Education, Chief Patrick Ukah say di State don provide di necessary materials to comply wit protocols to prevent COVID-19 come add say each class go get 20 students each and dem go ensure physical distance, do temperature checks and odas.